The best nation | خير أمة

•

"خير أمة"
فكرة بتتكلم عن كل حاجة غلط بنعملها،
و بتحاول تديك "زقة" عشان تبقى أحسن و تفتكر دايماً الصح و توسع دايرته حواليك
الفكرة مش بس صورة بتتعمل، كل الصورة بيبقى مكتوب عنها موضوع، بس بحاول أخدمه باللى بعرف أعمله
=))

لو جيه يوم و بقيت أشتم و أتقبل شتيمة الأهل بصدر رحب كده

لازم أراجع نفسى ساعتها ف كلمة راجل دى! و ده ان شاء الله مش هيحصل

الصاحب اللى اخترته غلط ده مش هينفعك بحاجة لما تبقى زيه

"من كان حالفاً فليحلف بالله أو ليصمت"

ما تعممش، ما تحكمش ع الناس، عشان كلنا بنى ادمين

!امسك لسانك و ارحم نفسك من حاجة ماحدش فينا قدها
حاول تشوف كل حاجة بحجمها الطبيعى من فوق، هتشوف انك بتضيع حسناتك و بتاخد سيئات على حاجات ملهاش أى لازمة..قرر ان المرة الجاية لما حد يجيب سيرة حد قدامك هتعمل أى حاجة تخليك تمنع نفسك من ده، انك تنصحه أو تغير الموضوع أو تحرجه أو أى حاجة، بس أهم حاجة ماتجاملش حد و تمشى معاه الحوار عشان تضحكوا و ف الاخر تبقوا انتو الـ2 خسرانين..

بدأت الأجازة عند ناس كتير، بأحلام (زى كل سنة) انها تكون أجازة مختلفة..و بعدت ما الأجازة ابتدت بدأت الأحلام دى تتلاشى واحدة واحدة، (برضو زى كل سنة)!
و ده و بلا فخر من أسباب تخلفنا كعرب..
بنفضل طول عمرنا نضيع وقت نقدر نعمل فيه كل حاجة، ولما نبقى مش قادرين نعمل حاجة خلاص نبدأ نندم، غلط بنورثه و عارفين انه غلط، و برضو سايبين نفسنا جواه..

من أكتر الحاجات اللى منتشرة ف مجتمعنا و بقت واضحة جداً بعد ما بقينا ندخل ف مناقشات سياسية كتير مع بعض، هى ان معظمنا مابيفكرش بموضوعية و عنده سياسة الكيل بمكيالين حتى من غير ما ياخد باله..

ربنا خالقنا ف الدنيا دى لحكمة، إننا نتعرف عليه و على قدرته و رحمته و نعبده و نعمر الأرض بمنهجه اللى لو اتبعناه هنبقى ف أحسن حال، وجودنا المؤقت هنا ده اختبار، رحلة صغيرة ربنا شايفنا فيها بنتصرف ازاى كل ما حاجة تقابلنا ف الطريق، رحلة بتاخد وقت قصير أوى (حتى لو عشت 100 سنة) بعدها هنرجع للى خالقنا و اللى أوجدنا من مفيش و أوجد كل حاجة عشان يشوفنا إذا كنا فعلا نستاهل الراحة الأبدية و الخلود ف الجنة و النعيم المطلق ولا لأ...