"Como arrecende! É un magnífico día de verán e de festa en Carnés! A Faguía celébrase desde hai catrocentos anos na véspera do San Cristovo. Daquela non se comían callos, era un gran festín no que só podían entrar algunhas persoas. Había unha confradía que se encargaba de recoller diñeiro durante todo o ano. Se non colaborabas, non podías ir á festa. Chegou un momento no que había tanta xente na Faguía que para que non se aproveitase quen non pagaba fixeron unha cerca. Eses dous que están na porta van ter que quedar fóra, porque non están na listaxe!"
Carnés, 1832 (hai 180 anos)
Texto: Manuel Rial.
Ilustración para “Unha historia de Vimianzo”.