هه‌ڵه‌بجه
له سوێی هه‌زاران
زیڕه‌و چریکه‌ی له هه‌وکا قه‌تیس
له سوێی هه‌زاران
پرسی باڵگرتوو به‌ره‌و عه‌رشی خوا
که داوه‌رین و خنکان له ڕێدا
شه‌و و ڕۆژ ئۆقره‌م لێ هه‌ڵگیراوه
سوکناییم نایێ،چ به بێداری،چ له ناو جێدا
ده‌پرسم،ده‌ڵێم،له‌عنه‌ت له کێ که‌م
شه‌یتان یا ئه‌وه‌ی فیکه‌که‌ی لێدا؟
عەبدوڵڵا پەشێو
ژینی پێش تۆم لە یاد نیە
من نەبوون بووم
کە تۆم ناسی زمانم گرت
چاوم پشکوت
سەر پێ کەوتم دارە دارە
چۆن باوەڕ کەم بەوەی دەڵێ
لە دایک بوون هەر یەک جارە
عەبدوڵڵا پەشێو
بەهەشت و دۆزەخ بۆ من تازەنین
هاوکات و هاوجێ
ئەویشم دیوە ، ئەمیشم دیوە
نیشتیمانی من ، لەوەتی هەیە
بەهەشتە و دۆزەخ دەوری تەنیوە
عەبدوڵڵا پەشێو
بۆ قه‌ره‌جێك
به‌س ته‌ماشای ناوله‌پم كه
خۆ من نامه‌وێ پێم بڵێی
ده‌بم به باوكی چه‌ند مناڵ
زه‌نگین ده‌بم، یا هه‌روا لات
ته‌نیا شتێكم پێ بڵێ
هه‌تا ماوم وه‌ك تۆ ده‌ژیم
!یاخۆ ده‌بمه خاوه‌ن وڵات؟
عەبدوڵڵا پەشێو
عەبدوڵڵا پەشێو
ba kes rexineyan lê negrê!
deyaninasm:
le pakîda çak û pîrin...
le jîrîda
enîşitayin şagrdiyane, hênde jîrin!
biyanbînin!
bzanin le pênaw ême çend bêtûkin,
çend perrpût û rût û gedan,
çon şew û roj teniya le bîrî êmedan!
'ebidullla peşêw
