За авторот: 

Драган Апостолски, 27 годишен фотограф од Тетово, Македонија. 

Со фотографија се занимавам веќе 15-тина години. Отсекогаш сум имал чувство за доловување на убави моменти, и отсекогаш сум сакал да се играм со фотоапарати. Тоа, здружено со љубовта по планините и планинарењето, резултираше во огромен број на фотографии од планината во која израснав и се оформив како пејсажен фотограф. 

Шар планина има посебно место во моето срце, бидејќи таму се чувствувам како дома. Секогаш успева да ме воодушеви со својата убавина, разноличност, променливост, дивина, и мир. Благодарен сум што сум имал можност да бидам во близок контакт со оваа планина уште од мали нозе, и ја ценам бескрајно секоја можност што ја добивам да шетам по неа, и да ги фотографирам нејзините убавини. 

Благодарен сум исто така што на едно ноемвриско попладне временските пригоди беа одлични и само доливаа на убавините на шарпланинските врвови, за да можам да ја изработам фотографијата “Бескраен хоризонт“, со која што ја освоив наградата за најдобра фотографија на првиот фото конкурс за балканскиот зелен појас. 

Покрај пејсажна фотографија се занимавам и со портретна, експериментална, како и фотографија на архитектура и градови.