________________________________________________________و كأن الحلم بعيدا

                             ____________________________________________الترحال من دون وجهة

باز خايخ مندي و معبي بالروايح 

ساس هرم عدم لازمتو تكسيرة و بنية جديدة 

  حكاية منظمة مسطرة كتبها المجتمع ليك و لألف غيرك

من غير ما يسؤلوا لا على أحلامك و لا حتى  على طريقة تفكيرك

 نحوس على منفذ ..على طرف خيط

محلاها السماء 

معزها الحرية 

مبنها نسمة الهواء 

نحس فيها تناديلي تقلي ايجا بلاستك لهنا 

مش عارفة 

خايفة 

شيئ ما هو مظمون

  بالك كلامهم صحيح اذاكا الواقع و اذاكا القانون

صحيح شيء ماهو مظمون أما أنا خولة لباش نختار شنوا تكون 

أنا خولة رحالة في خيالي هايمة بين أحلامي 

خترت نشد طريق ضباب نهايتو مش معلومة 

أما أحاسيسو كلها مفهومة 

حب و شيخة و هبلة والضحكة مش مدفونة 

فرحانة بلي وصلتلو ولي عشتو و بالطاقة مشحونة 

صحيح  مزال الطريق صحيح مازالت الرحلة 

أما ألوانها توا ولات معلومة