سلسلة مشروع التخرج المعماري
في السلسلة دي هنتعرف علي كل ما يخص مشروع التخرج المعماري وهنقدم منهجية كاملة للتعامل مع المشروع و هنعرف ازاي نتعامل مع المشروع خطوة خطوة بداية من اختيار المشروع واختيارالموقع ومرورا بعمل باعداد البرنامج الوظيفي للمشروع وعمل الحالات الدراسية وتحليل الموقع وبداية العمل في مرحلة التصميم و انتهاءا بكيفية اخراج المشروع و تسلميه في افضل صورة وازاي تجتاز مناقشة المشروع و في كل مرحلة هنقدم نصائح مهمة و هنقول الاخطاء الي يجب تجنبها في
.كل مرحلة
لينك السلسلة علي اليوتيوب
https://youtube.com/playlist?list=PLmJp8k35JVq2qLaGON41cDxhIzjPSi_bn
-----------------------------------------------------------------------------------------------------------------------
بمناسبة بداية العمل عاي مشاريع التخرج في أقسام العمارة
مشروع التخرج من آهم التجارب الي هتمر بيها في حياتك كمهندس معماري وانت الوحيد القادر انك تخلي التجربه دي ممتعة او مؤلمة وفي الحالتين هتفضل فاكرها طوال حياتك
وده لانه بيعتبر فاصل بين مرحلتين مرحلة الدراسة و مرحلة الحياة العملية.
مشروع التخرج بيعتبر جسر العبور الي من خلاله هتتخرج وتتحول من كونك طالب بتدرس هندسة معمارية الي مهندس معماري محترف و متخصص و تقدر تمارس المهنة رسميا
و بيعتبر خلاصه لكل الي تعلمته من محاضرات و رحلات وزيارات خلال فنرة دراستك وللذلك من البديهي انك تكون ملم بكل اجزاء وتفاصيل المشروع وتخطيطه و شكله وانظمته و كفائته باختصار هو جواز العبور للحياة العملية .
ومن هنا بتيجي اهمية مشروع التخرج
عشان كده ونظرا لاهميته و نظر لكثرة الافكار المغلوطة و الأراء السلبية عن التجربة دي
عملت السلسلة دي والي هتساعدك علي اجتياز المرحلة دي وان شاء الله الحصول علي أعلي معدل
في السلسلة دي هنتعرف علي كل ما يخص مشروع التخرج المعماري وهنقدم منهجية كاملة للتعامل مع المشروع و هنعرف ازاي نتعامل مع المشروع خطوة خطوة بداية من اختيار المشروع واختيار الموقع مرورا باعداد البرنامج الوظيفي للمشروع وعمل الحالات الدراسية وتحليل الموقع وبداية العمل في مرحلة التصميم و انتهاءا بكيفية اخراج المشروع و تسلميه في افضل صورة وازاي تجتاز مناقشة المشروع و في كل مرحلة هنقدم نصائح مهمة و هنقول الاخطاء الي يجب تجنبها في كل مرحلة والأهم هنتكلم عن المشكلات والجوانب النفسية الي هتمر بيها خلال المرحلة دي وازاي تتعامل معاها
سلسلة مهمة جدا لكل طالب في بكالوريوس عمارة أسال الله تعالي أن ينفع بها كل الطلبة
-------------------------------------------------------------------------
الفيديو الأول : قواعد التعامل مع مشروع التخرج المعمارى
المشكلات وكيف تواجهها من البداية حتي التسليم النهائي
.في الفيديو ده هقولك علي 12 قاعدة هامة جدا للتعامل مع مشروع التخرج المعماري والي هتفرق معاك جدا وهتنعكس علي مشروعك بالايجاب وهقولك علي كل المشكلات سواء النفسية أو الفنية الي هتواجهها خلال مرحلة مشروع التخرج من بدايته و حتي التسليم النهائي وهتعرف ازاي تتعامل معاها نفسيا,من واقع تجارب ناس كتير مروا بنفس المرحلة وكانوا يتمنوا حد قالوهم علي القواعد و النصايح دي.فيديو هيفرق معاك جدا
رابط الفيديو
-------------------------------------------------------------------------
الفيديو الثاني: عوامل نجاح مشروع التخرج
عشان تتفوق في حاجة لازم تعرف قواعدها وكيف يتم تقييمها
ولذلك مهم جدا تعرف علي أي أساس يتم تقييم مشروع التخرج المعماري والمعايير الواجب توفرها في المشروع للحصول علي أعلي معدل .
في الفيديو ده هنتعرف علي كل العوامل دي وكيف يتم تطبيقها في المشروع...؟
رابط الفيديو
-------------------------------------------------------------------------
الفيديو الثالث: كيف تختار مشروع التخرج المعماري المناسب لك ؟ مع أمثلة لمشاريع مقترحة
من أكتر أسباب الحيرة عند الطلبة في بداية المشروع هي اختيار المشروع خصوصا وان بعض الجامعات بيتركوا الاختيار للطلبة ساعتها بيقع الطالب في حيرة وهنا يجي السؤال علي أي أساس اختار المشروع المناسب ليك
في الفيديو ده هقولك علي منهجية عملية هتساعدك و هتسهل عليك اختيار مشروع التخرج المناسب لك من خلال خطوات بسيطة هتساعدك في اتخاذ القرار الصحيح و كمان هقولك علي أمثلة مقترحة لمشاريع تخرج في مجالات مجتلفة مع بعض النصائح المهمة لتجاوز المرحلة دي
من الأخر هتختار من غير ما تحتار
رابط الفيديو
-----------------------------------------------------------------------
الفيديو الرابع: كيف تختار موقع مشروع التخرج المعماري...؟
تاني حيرة بيقع فيها طالب عمارة بعد اختيار المشروع هي اختيار الموقع في حالة ان الكلية لم تحدد المواقع مسبقا
في الفيديو ده هتعرف علي أي أساس تختار موقع لمشروع التخرج وهتعرف ايه هي مقومات نجاح الموقع و ليه لازم تختار ثلاث بدائل و هتعرف ازاي تقدر تختار البديل الأمثل منهم و كمان هقولك علي أخطاء يجب تجنبها عند اختيار موقع المشروع
رابط الفيديو
------------------------------------------------------------------------
الفيديو الخامس: أسهل طريقة لعمل البرنامج الوظيفي لمشروع التخرج المعمارى
في الفيديو ده هنتعرف علي كيفية اعداد البرنامج الوظيفي لمشروع التخرج المعماري بطريقة سهلة جدا في حالة لم يتم توفيره وكمان هتعرف ازاي تحسب المساحة الاجمالية للمشروع و مساحة الأرض و تحديد عدد المستخدمين و هتعرف ازاي تستخدم كتب الداتا و الكود في الحصول علي المعلومات اللازمة و كمان هقولك علي بعض الأخطاء الشائعة الي يجب تتجنبها في المرحلة دي
رابط الفيديو
-----------------------------------------------------------------------
Architecture Case Study Analysis : الفيديو السادس
دراسات الحالة لمشروع التخرج المعماري كيف تختارها؟ كيف تحللها؟
في الفيديو ده هنتعرف علي الهدف من عمل الحالات الدراسية لمشاريع مشابهه لمشروع التخرج المعماري و هنعرف كيف تختار مشروع يصلح كحالة دراسية و ايه هي الشروط الي لازم تتوفر فيه و كمان هنعرف ازاي تحلل المشروع من خلال خطوات محددة و هناخد مثال تطبيقي لمشروع مستشفي هنشوف ازاي نحلله و كمان هقولك علي مصادر للحصول علي مشاريع تستخدمها كحالات دراسية و اخيرا هقولك علي بعض الأخطاء الواجب تجنبها عند عمل دراسات الحالة
رابط الفيديو
-----------------------------------------------------------------------
الفيديو السابع: تحليل الموقع للمشروع المعماري - دليل شامل لكل الي هتحتاجه
تحليل الموقع المعماري من أهم مراحل تصميم أي مشروع معماري و خصوصا مشروع التخرج وله دور كبير جدا في صياغة الفكرة التصميمية و من اكتر الحجات الي ممكن تساعدك في الحصول علي فكرة لمشروعك.
في الفيديو ده هغير مفهومك تماما عن تحليل الموقع وهتعرف انه مش مجرد مجموعة من الاسكتشات و الدراسات الشكلية لحركة الشمس و اتجاه الرياح ,وهتعرف ايه هو تحليل الموقع ؟ و اهميته و الهدف منه و مراحله و ازاي بيؤثر علي الفكرة التصميمة ؟ وازاي تعمل دراساته و تظهرها في مشروعك ؟ وهنشوف أمثلة لمشاريع عالمية و ازاي كان تحليل الموقع هو مصدر أفكارها !!! باختصار دليل شامل لتحليل الموقع مش هتحتاج حاجه بعده
رابط الفيديو
-----------------------------------------------------------------------
الفديدو الثامن:الكونسبت المعماري كيف تضع الفكرة التصميمية لمشروعك المعماري؟
والوقتي وصلنا لأهم مرجلة في تصميم أي مشروع وخصوصا مشروع التخرج وبتعتبر أكبر مشكلة هتواجهك في مشروع التخرج أو اي مشروع هتصممه وهي كيف تضع الفكرة التصميمية أو الكونسبت للمشروع
الفكرة التصميمة أو الكونسبت المعماري من أهم الحجات الي بتسبب مشاكل كتير للطلبة طوال فترة الدراسة وخصوصا في مشروع التخرج في الفيديو ده الاجابة عن كل الأسئلة الي في بالك عن الفكرة التصميمية وهتعرف كل حاجة عن الكونسبت المعماري وهيتغير مفهومك عن الكونسبت تماما هتعرف معناها ومكوناتها وازاي بتيجي وعوامل نجاحها وهتشوف أمثلة لمشاريع كتير وهتعرف الأفكار الي وراها.
رابط الفيديو
وده كمان فيديو عن
أهم أنواع الكونسبت المعماريوكيف تختارالفكرة التصميمية المناسبة لمشروعك المعماري؟
رابط الفيديو
ووو كمان فيديو عن
أهم مصادر الكونسبت المعماري و من أين تستلهم أفكار تصميمية لمشروعك ؟
رابط الفيديو
-----------------------------------------------------------------------
الفيديو التاسع: كيف تصمم أي مشروع معماري في عشر خطوات...؟
Architecture Design Process
والوقتي وصلنا لأهم مرحلة في المشروع وحصيلة الي فات كله وهو ازاي تبدأ في عملية التصميم المعماري للمشروع
عملية التصميم المعماري واحدة من اهم واكبر المشكلات والتحديدات الي بتواجهه المصمم في مجال العمارة سواء الطلبة خلال مرحلة الدراسة او حتي للمهندسين بعد التخرج
فالهدف من العمارة انك تتعلم تصمم مبني يؤدي وظيفته ويلبي احتياجات المستخدمين ويتمتع بالمتانة و الجمال
كل المواد الي درستها خلال دراستك في الكلية وكل خبراتك الي هتكتسبها في الحياة العملية لابد وهتصب في عملية التصميم المعماري و هدفها انك تتعلم ازاي تصمم و توفر منتج معماري مميز
وعملية التصميم المعماري من اعقد العمليات والتحديات الي بتواجهه اي معماري مهما كان علمه و خبرته
وبالفعل كتير جدا من الطلبة أثناء الدراسة بيعاني جدا في مرحلة التصميم المعماري لاي مشروع و خصوصا مشروع التخرج باعتباره جواز العبور للحياة المهنية وللاسف لاسباب كتير بيتحول التصميم المعماري لعقدة كبيرة لكتير من الطلبة بل ان بعض الطلبة بيدخل في حالة الضغط النفسي والعصبي وقد تصل لمرحلة الاكتئاب خلال المرحلة دي
وللاسف ده خلي كتير من الطلبة يعتقد ان التصميم المعماري عملية عشوائية ملهاش منهجية اوخطوات محددة وبيعتمد علي التجربة والحظ او انتظار الالهام عشان يبدأ في تصميم المشروع ويضطر يلجأ للنقل والاقتباس من مشاريع جاهزة
ولكن هل ده صحيح فعلا ؟
بالتاكيد لا .....
عملية التصميم عملية ممنهجة لها خطوات عملية محددة قابلة للتعلم تقدر تطبقها في تصميم اي مشروع
في الفيديو ده ان شاء الله هقولك علي منهجية شاملة في 10 خطوات عملية محددة لو استوعبتها تقدر تستخدمها في تصميم اي مشروع معماري وهيتغير مفهومك تماما عن التصميم المعماري
رابط الفيديو
-----------------------------------------------------------------------
طبعا السلسلة لسه مخلصتش وان شاء الله مكملين الفيديوهات الي هنشرح من خلالها
كيف تختار النظام الإنشائي المناسب لمشروعك؟
وازاي تجهز المشروع لمرحلة العرض وأساليب اظهار المختلفة وكيف تصمم بانر المشروع
وليسته بالحجات الي لازم تكون في مشروعك قبل التسليم
واخيرا كيف تجتاز مناقشة المشروع وازاي تتكلم عن مشروعك بطريقة صحيحة تقنع الي قدامك بأفكارك وشغلك وازاي ترد علي الأسئلة الي هتتوجه لك
ده رابط السلسلة كاملة
--------------------------------------------------------------------------
ساهم في دعم ونشر محتوي معماري عربي هادف ومفيد لدعم الطلبة و المعماريين العرب
رابط الاشتراك في القناة . اشترك ليصلك كل جديد
يارب تستفادوا من الفيديوهات وأتمني يارب التوفيق والنجاح لكل الطلبة وان شاء الله تحصلوا علي أعلي المعدلات وتحققوا كل الي بتتمنوه
