სტატისტიკა მოწმობს, რომ ქალები ნაკლებ ანაზღაურებას იღებენ, ფაქტობრივად, ეკონომიკის ყველა სექტორში.

- საქსტატის მიხედვით, ქალების საშუალო ხელფასი 36%-ით ნაკლებია კაცების ხელფასზე.

- ამის მიუხედავად, საქართველოს კანონმდებლობა არ მოიცავს ქალისა და კაცის თანაბარი შრომის თანაბარი ანაზღაურების პრინციპს, არც შრომის ღირებულების გაზომვის მეთოდოლოგიას და შრომის კოდექსიც არ განსაზღვრავს ანაზღაურების ცნებას.

- 36%-იანი სახელფასო სხვაობა ნიშნავს, რომ დღეიდან, 23 აგვისტოდან, საქართველოში ქალები წლის ბოლომდე უფასოდ მუშაობენ, მაშინ როცა კაცები ჩვეულებრივ იღებენ ანაზღაურებას.

სწორედ ამიტომ, გასული წლის 23 აგვისტოს, საქართველოში პირველად აღინიშნა სახელფასო სხვაობასთან ბრძოლის დღე.

წელსაც ავღნიშნავთ ამ დღეს და ვითხოვთ შრომის თანაბარ ანაზღაურებას!