ميدان السيارات بجدة 🚙
—————————
سلمنا هذا التصميم في شهر فبراير 2020

وبرضوا كان من التصاميم المرشحة لمعرض ابريل لـ #جامعة جدة ..

سبق واتكلمت لكم عن الميدان في بوست سابق

كان التكليف اختيار معلم من معالم جدة ونرسمه وكنت حختار مسجد العناني للامانه بس الدكتوره قالت في وحدة من البنات اخذته وجا النصيب لهذا الميدان ..

كان اجباري نستخدم نفس الوان بوستر الاسماك لكن بدل ماهي 5 ممكن تسير 10 بإننا نفتح او نغمق كل لون في البداية ما كنت مستصيغه الموضوع اتغيرت الوان المعلم بشكل جذري لكن حبه حبه بديت احب النتيجة ومن الواجبات الي لها حب كبير في قلبي

ايش اكتر معلم تحبوه في جده ؟!✨

Night Mood🌙
في التكليف هذا كان مطلوب اننا نسوي مودين يعطو احساسين مُختلفين بنفس الالوان , كان في خيارين يا اني اغمق كل الالوان او اني اغير لون واحد ويعطيني احساس مختلف بشكل كامل

واخترت الخيار الثاني ومره كان خيار صائب لانو في الطباعه الي غمقوا الالوان ماطلعت النتائج زي ما اتوقعوا طلع كأنهم كابين لوون اسود عليها

وخليت القمر هلال واضفت النجوم واغطى احساس ومود جديد , بالنسبه للمود الثاني حطيت فيها احتمالين
انها تكون شمس ☀️ او يكون قمر مُكتمل عشان كذا ما اضفت النجوم وخليت المجال لمخيلتكم 🌍

وعشان ما تم المعرض حبيت اعيش الوضع لفو الصوره وشوفوا قد ايش حيكونوا لطيفين ال3 لوحات جنب بعض 🌱

ايت مود حبيتوه صباح ولا مساء ؟🌸